செய்திகள் & அறிவிப்புகள்

செய்தி வள்ளல் பொன் பாண்டித்துரைத் தேவர் வார ஆய்வுக்கருத்தரங்கம் - 3

PDF 13 Aug 2026

14.08.2026 வள்ளல் பொன் பாண்டித்துரைத் தேவர் வார ஆய்வுக்கருத்தரங்கம் - 3 - பிற்பகலில் நடைபெற உள்ளது

PDF பதிவிறக்கம்

நிகழ்வு செந்தமிழ் கல்லூரியின் மேனாள் செயலாளர் வழக்கறிஞர் மா.சங்கரபாண்டியனார் நினைவு அறக்கட்டளைச் சொற்பொழிவு

19 Jul 2026

செந்தமிழ் கல்லூரியின் மேனாள் செயலாளர் வழக்கறிஞர் மா.சங்கரபாண்டியனார் நினைவு அறக்கட்டளைச் சொற்பொழிவு 20.07.2026ஆம் நாள் காலை 10.30 மணியளவில் நடைபெறவுள்ளது

செய்தி போதைப் பொருள் தடுப்பு விழிப்புணர்வு கருத்தரங்கம்

13 Jul 2026

செந்தமிழ் கலை மற்றும் கீழ்த்திசைக் கல்லூரி மதுரை போதைப் பொருள் தடுப்பு விழிப்புணர்வு கருத்தரங்கம் நாள் : 13.07.2026 மதுரை நான்காம் தமிழ்ச் சங்கம் செந்தமிழ் கலை மற்றும் கீழ்த்திசைக் கல்லூரி நாட்டு நலப்பணித் திட்டம், போதைப்பொருள் தடுப்பு குழுவும் இணைந்து நடத்திய போதைப் பொருள் தடுப்பு விழிப்புணர்வு கருத்தரங்கம் இன்று 13.07.2026 காலை 11 மணிக்கு மன்னர் பாசுகர சேதுபதி குளிர்மை அரங்கத்தில் நடைபெற்றது. இந்நிகழ்விற்கு செந்தமிழ்க் கல்லூரியின் துணை முதல்வர் முனைவர் கோ.சுப்புலெட்சுமி அவர்கள் தலைமை வகித்தார். ஆங்கிலத் துறை தலைவர் இணைப் பேராசிரியர் முனைவர் கி.வேணுகா அவர்கள் முன்னிலை வகித்தார். மதுரை திலகர் திடல் குற்றப்பிரிவு காவல் ஆய்வாளர் திரு ஜேம்ஸ் ஜெயராஜ், சிறப்பு உதவி ஆய்வாளர் திரு ராஜபாண்டியன், மதுரை மாவட்ட போதை தடுப்புக் குழுவின் ஒருங்கிணைப்பாளர் ராஜ்குமார் மதுவிலக்கு அமலாக்கத்துறையின் தலைமைக்காவலர் திரு வெங்கடேஷ்பாபு ஆகியோர் கருத்துரையாளர்களாக கலந்து கொண்டு மாணவர்களிடையே போதைப்பொருள் பயன்பாட்டை தவிர்ப்பது குறித்தும் போதைப் பொருளால் ஏற்படக்கூடிய விளைவுகள் குறித்து விழிப்புணர்வு உரையாற்றினர். நிகழ்வில் சிறப்பு உதவி ஆய்வாளர்கள் திரு பாலசுப்பிரமணியன் திரு திலகர் காவலர் திரு கணேஷ் பிரபு ஆகியோர் கலந்து கொண்டனர். இந்நிகழ்வின் தொடக்கத்தில் நாட்டு நலப்பணித் திட்ட அலுவலர் முனைவர் பா.நேருஜி அவர்கள் வரவேற்புரை ஆற்றினார். நிறைவில் நாட்டு நலப்பணித்திட்ட அலுவலர் முனைவர் பெ.இந்துராணி அவர்கள் நன்றி உரையாற்றினார். நிகழ்வும் முழுவதையும் நாட்டு நலப்பணித் திட்ட அலுவலர் விரிவுரையாளர் வீ.அதிவீரபாண்டியன் தொகுத்து வழங்கினர். இந்நிகழ்வை தமிழ்த்துறை தலைவர் நாட்டு நலப்பணித் திட்ட அலுவலர் இணைப்பேராசிரியர் முனைவர் பூ.பூங்கோதை அவர்களும் போதைப் பொருள் தடுப்புக் குழு ஒருங்கிணைப்பாளர் உதவிப்பேராசிரியர் முனைவர் சா கணேசன் ஆகியோர் ஒருங்கிணைத்தனர்.

செய்தி முதலாமாண்டு மாணவர்களுக்கு வகுப்புத் தொடக்கம்

06 Jul 2026

நமது கல்லூரியில் பி.ஏ.இ பி.லிட்.இ மற்றும் எம்.ஏ.இ முதலாமாண்டு சேர்ந்துள்ள மாணவர்களுக்கு வரும் 09.07.2026ஆம் நாள் வியாழக்கிழமையன்று வகுப்புகள் தொடங்கவிருக்கின்றன

செய்தி தேசிய வாசிப்பு நாள்

19 Jun 2026

செந்தமிழ் கல்லூரியில் பாண்டியன் நூலகம் ஏற்பாடு செய்திருந்த தேசிய வாசிப்பு தின நிகழ்ச்சி நடைபெற்றது.

செய்தி தமிழ்க் கல்வியில் சிறந்து விளங்கும் கல்லூரி மாணவருக்கான விருது

05 Jun 2026

மதுரை ஆதீனத்தால் 02.06.2026ஆம் நாளன்நு தமிழ்க் கல்வியில் சிறந்து விளங்கும் கல்லூரி மாணவர்களுக்கு வழங்கப்படும் ரூபாய் 5000க்கான பொற்கிழியுடன் கூடிய பாராட்டுச் சான்றிதழ் நம் கல்லூரியில் பயின்ற இளங்கலை மூன்றாம் ஆண்டு மாணவர் ஸ்ரீராமஜெயம் அவர்களுக்கு வழங்கப்பட்டது

செய்தி Placement

02 Jun 2026

நமது கல்லூரியில் முதுகலை இரண்டாம் ஆண்டு பயிலும் மு.சிவசங்கரி மற்றும் முதலாம் ஆண்டு பயிலும் ம.யோக ஸ்ரீ மதுரை ஆகாஷ்வானொலியில் பகுதி நேர நிகழ்வு தொகுப்பாளர் மற்றும் வானொலி அறிவிப்பாளராக (RJ (CCA) பதவிக்கு தேர்வு பெற்றுள்ளனர்.

செய்தி College Re-opening Date

11 Apr 2026

2026-2027ஆம் கல்வியாண்டிற்கான கல்லூரி திறக்கும் நாள் 15.06.2026

செய்தி பருவத்தேர்வு ஏப்ரல் 2026

11 Apr 2026

மதுரை காமராசர் பல்கலைக்கழகத்தின் ஏப்ரல் 2026க்கான பருவத்தேர்வுகள் 16.04.2026 முதல் தொடங்குகின்றன

செய்தி பணி வாய்ப்பு

10 Apr 2026

மதுரை ஆகாஷ்வாணி வானொலி நிலையத்தில், கடந்த 25.03.2026 அன்று நடைபெற்ற நாடகக் குரல் தேர்வில் நமது கல்லூரியில் இளங்கலை முதலாமாண்டு பயிலும் சுபஸ்ரீ ஆகாஷ்வாணி வானொலி நாடகக் குரல் தேர்வில் வெற்றி பெற்றுள்ளார். இதன் மூலம் மதுரை வானொலி நிலையம் தயாரித்து வழங்கவிருக்கும் நாடங்களில் கதாப்பாத்திரங்களின் தேவைக்கேற்ப பகுதிநேர பணிக்கு தேர்வு பெற்றுள்ளார்.

அறிவிப்பு ஆண்டு விழா

05 Apr 2026

செந்தமிழ்க் கல்லூரியின் 69ஆவது ஆண்டுவிழா வரும் 06.04.2026ஆம் நாள் திங்கட்கிழமையன்று நடைபெறவுள்ளது. அனைவரும் வருக.

நிகழ்வு மணற்கேணி செயலி

04 Mar 2026

மதுரை நான்காம் தமிழ்ச் சங்கம் செந்தமிழ்க் கல்லூரியில் 04.03.2026 அன்று தமிழ்நாடு பள்ளிக் கல்வித்துறையின் சார்பில் ' மணற்கேணி செயலி' குறித்த விழிப்புணர்வு கருத்தரங்க நிகழ்வு நடைபெற்றது. நிகழ்ச்சிக்கு கல்லூரி முதல்வர் முனைவர் ஜெ.போ.சாந்திதேவி அவர்கள் தலைமையேற்றார். 'மணற்கேணி' செயலியின் மண்டல ஒருங்கிணைப்பாளர் கிருஷ்ணமூர்த்தி அவர்கள் மணற்கேணி செயலியின் செயல்பாடுகள் குறித்தும் தமிழ்நாட்டு மாணவர்கள் போட்டித்தேர்வுகளுக்கு எவ்வாறு மணற்கேணி செயலியைப் பயன்படுத்துவது என்பது குறித்தும் உரையாற்றினார். மணற்கேணி செயலியைத் தரவிறக்கம் செய்வது குறித்தும் அதனை எவ்வாறு பயன்படுத்துவது என்று மதுரை மாவட்ட மணற்கேணி செயல்பாட்டாளர்களான ராதிகா, ரம்யா, நதியா ஆகியோர் விளக்கினர். நிகழ்ச்சிக்கு முன்னதாக கல்லூரி உதவிப் பேராசிரியர் முனைவர் மா.செல்வத்தரசி அவர்கள் அனைவரையும் வரவேற்றார். நிகழ்ச்சியில் 200 க்கும் மேற்பட்ட மாணவ மாணவியர் கலந்துகொண்டு பயனடைந்தனர்.